تنبيه هام لكل من يشتري اجهزة m5 جديده (نانو ستيشن - لوكو ستيشن - نانو بيم - روكيت)

بسم الله الرحمن الرحيم

السلام عليكم ورحمة الله وبركاته

*رجوع النانو ستيشن او اللوكو ستيشن الي ضبط المصنع بعد برمجته*

مشكله تواجهه الكثير من مستخدمي اجهزة ام 5 وخصوصا هذه الايام

لاحظنا في الفتره السابقه وبكثره ممن يشتري اجهزة جديده ذات التردد 5.8 جيجا

وقوعه في تلك المشكله وهي:-

بعد عمل الاعدادات المطلوبه للجهاز وبعد حفظ هذه الاعدادات ومجرد تركيبه يقوم بعمل اعادة ضبط تلقائي 

تجد ان الجهاز سواء نانو ستيشن او لوكو ستيشن او اي جهاز اخر يعمل علي تردد ام 5 يرجع لحالة المصنع وذلك بدون اي تدخل منك فقط بعد تركيبه مباشرة او بعد فترة عمل لا تتجاوز الساعه 

سبب هذه المشكله

هو وجود اختيار داخل صفحة اعدادات الجهاز يقوم بعمل اعادة ضبط (reset) من خلال الادابتور الخاص به

حيث ان الادابتور الـ24 فولت الموجود مع الجهاز يوجد به زر ريسيت يمكن من خلاله اعادة ضبط الجهاز لحالة المصنع

طريقة التغلب علي هذه المشكله 

يمكنك حل مشكلة رجوع النانو ستيشن او اللوكو ستيشن الي ضبط المصنع بعد برمجته من خلال ازالة هذا الاختيار من داخل صفحة الاعدادات 

كما بالصوره التاليه

وكما ذكرت هذا الاختيار خاص باارجاع الجهاز الي وضع المصنع من خلال زر الريسيت الموجود في الادابتور 

وليس له علاقه بزرار الريسيت الموجود علي بوردة الجهاز 

اقرء المزيد

برنامج تغيير ماك اجهزة يوبيكويتي NMac ubnt (بيكو - بولت - نانو - روكت - لوكو)

بسم الله الرحمن الرحيم 

السلام عليكم ورحمة الله وبركاته

طريقة تغيير ماكات الأجهزه ubnt

اقدم لكم اليوم أداة NMac 

هي أداه بسيطه يمكن من خلالها التحكم في ماك جميع اجهزة شركة ubnt وتغييره

وتعتبر هذه الاداه هي الحل الأمثل في حالة لاقدر الله فقد جهاز البث الرئيسي 

حيث يمكنك تغيير ماك الجهاز الجديد الي ماك الجهاز القديم 

لتفادي فقد الربط مع الاكسسات(المشتركين) حيث ان بمجرد تغيير الماك الي ماك الجهاز القديم يتم الارتباط به مباشر دون الذهاب الي المشتركين

 وبرمجة الاكسسات من جديد 

كما يمكنك ايضا استخدام الأداه في حالة الرغبه في تغيير الماك 

بالنسبه لاستخدام الاداه ابسط مما يكون واليكم الشرح:-

ملحوظه بسيطه علشان فيه ناس كتير بتغلط في النقطه دي 

بالنسبه للماك اللي بيتم تغييره فهو ماك الوايرلس وليس ماك اللان 

جاء الاَن وقت تحميل الاداه المستخدمه 

اليكم الرابط 

اضغط هنا للتحميل

NMac لتغيير ماك البولت او البيكو او اي جهاز ubnt

اتمني ان يكون قد نال اعجابكم

ولا تنسونا من صالح دعائكم

اقرء المزيد

الاعدادات الاحترافيه لربط شبكتين ببعض(ربط بيكو علي بولت او ربط 2 بولت او 2 بيكو)

بسم الله الرحمن الرحيم

السلام عليكم ورحمة الله وبركاته
ربط جهازين ubnt في شبكه واحده

كتير من الناس سألت عن طريقة ربط جهاز البولت بالبيكو او العكس

او طريقة ربط بولت ببولت اخر او ربط بيكو ببيكو تاني

او عموما طريقة ربط اي جهاز ubnt يوبيكويتي بجهاز اخر من نفس الشركه والعمل بدون مشكله.خصوصا ان فيه كتير حاول يربط جهازين ببعض وكانت النتيجه عدم سحب اي بي من السيرفر عن طريق الجهاز الاخر او هناك اتصال ولكن لاتوجد خدمة انترنت

لكن الان بعد تنفيذ الاعدادات وبرمجة الجهازين كما بالصور الموجوده اسفل يمكنك الربط بدون اي مشلكه علي اي جهاز من الجهازين

وميزة الربط بين الجهازين انها بتتيح لك استخدام الجهازين كاأرسال في نفس الوقت بااسم مختلف حيث يمكنك تسمية كل شبكه بااسم مختلف عن الاخر

ولكن في النهايه الجهازين مربوطين بشبكه واحده وسيرفر واحد مع اظهار ماكات العملاء تحت كل جهاز 

كذلك استخدام اي جهاز منهم كاارسال لخدمة الانترنت للجهاز الاخر

ويمكنك ايضا دمج خطوط الانترنت الموجوده في اماكن الاجهزه من بعض

بمعني ان لو هناك خط انترنت في مكان بولت او بيكو منهم وكذلك خط انترنت 

مع البولت او البيكو الاخر يمكنك دمج هذه الخطوط عن طريق كارت الخروج 

وسوف يتم شرح هذه الطريقه في الموضوع القادم

ولربط جهاز البيكو ببيكو اخر او ربط بولت ببولت اخر اتبع هذه الخطوات

1- اذهب الي قائمة الوايرلس wireless وقم بالاعدادات التاليه

*خطوه رقم 1 قم بااختيار access point wds 

*خطوه رقم 2 اكتب ماك الجهاز الاخر في اي خانه من الخانات ال 6  الموجوده 

*خطوه رقم 3 اكتب اسم شبكتك ويمكن كتابة اسم الشبكه في القطعه الاولي علي  هذا النحو  
ubnt1 وفي القطعه الثانيه ubnt2 

*خطوه رقم 4 اختار القناه حسب منطقتك من حيث تلاشي القنوات التي تعمل عليها  شبكات اخري

 وباقي الاعدادات كما هي

2-اذهب الي قائمة network 

وتحتوي هذه القائمه علي الاي بي ادرس وهو اي بي الدخول علي الجهاز 

اكتب اي ايبي تريده في القطعه الاولي وقم بتغيير اخر رقم في القطعه الثانيه 

مثال لو هتكتب اي بي للقطعه الاولي 192.168.1.100

اكتب اي بي القطعه الثانيه 192.168.1.101 وهذا كمثال

3- نأتي لاخر خطوه وهيا قائمة advanced

قم بالاعدادات الموجوده في الصوره كما هي واذا اردت تغير شي في الاعدادات يكون لسبب تعرفه

اتمني ان يكون الموضوع قد نال اعجابكم

لاتنسونا من صالح دعائكم

والانضمام للموقع

اقرء المزيد

اصلاح اكسس ايرلايف WL-5460AP v2 في حالة عدم القدره للدخول عليه او في حالة وقوع السوفت وحل جميع مشاكله

بسم الله الرحمن الرحيم

السلام عليكم ورحمة الله وبركاته

الاكسس الايرلايف هو اكسس قوي جدا ومميز جدا في عمله عن باقي الاكسسات الاخري
هذا الاكسس يتحمل الكثير من العوامل الجويه وكذلك له القدره علي تحمل عدد عملاء اكثر بكثير من غيره
بالاضافه الي قوة الاشاره والثبات في الربط وحديثنا النهارده عن الاصدار WL-5460 v2
الكثير منا يستخدم هذا الاصدار من اكسس الايرلايف وغالبنا لايوجد مشاكل في هذا الاكسس سواء هارد وير او سوفت وير
ولكن في يوم من الايام واجهتني مشكله مع هذا الاكسس نتيجة العوامل الجويه ومشاكل الكهرباء
وتتلخص المشكله في عدم القدره للدخول علي الاكسس بااي طريقه من الطرق وكذلك لايوجد هناك اشاره ولا يستجيب الاكسس لاي امر وبعد البحث عن حل هذه المشكله في موقع ايرلايف وجدت الاتي :-

 Using Air Live WL-5460AP's Emergency Firmware Upload Feature

The emergency firmware upload feature is to help you restore the AP when the firmware is corrupted. If

you can no longer access the AP's web UI, please first try to restore-to-default by holding the Reset

button for more than 5 seconds. Then you should be able to find the AP at 192.168.100.252. But if

this still doesn't work, please follow the procedures below to restore the firmware.

1. Hold the "Reset" button in the back of the AP BEFORE plugging in the power.

2. After plug-in the power, wait until the "Status" LED goes off before releasing the reset button.

3. Visit www.airlive.com. Go to Support->Firmware Download section. Download the WL-5460AP e10

firmware. Decompress the archive file into your PC.

4. Set your computer's IP address to 192.168.1.100. Open your browser and enter "192.168.1.6".

5. You should see the emergency upload page. Upload the WL-5460AP e10 firmware (or later) to the AP.

6. Wait for 3 minutes. Change your PC's IP to 192.168.100.100. You should be able to access the AP at 192.168.100.252

-:ونترجم هذه الخطوات الي

1-اضغط علي مفتاح الريسيت في الاكسس ثم قم بتوصيل الباور بعد ذلك 

2-بعد توصيل الباور للاكسس انتظر حتي يضئ الليد (اللمبه) الخاص بـstatus كما بالصوره

3- قم بزيارة موقع ايرلايف لتحميل السوفت الخاص بالاكسس وقمت بااحضار السوفت لكم ويمكن تحميله من خلال الرابط التالي

firmware/WL-5460AP_v2 ويمكن ان نعتبر ان هذه الخطوه هيا خطوه رقم1  

4 - بعد تحميل الفروم وير الخاص بالاكسس اكتب هذه الارقام في كارت الشبكه في جهازك

5- افتح متصفح انترنت واكتب 192.168.1.6 ثم اضغط Enter بعد ذلك سوف تظهر معك هذه الصفحه 

وهذه هيا صفحة الـemergency الخاصه برفع السوفت للاكسس (صفحة ارجاع الاكسس للحياه) 

اضغط علي Browse لاختيار مكان السوفت الذي قمت بتحميله من الرابط السابق ثم بعد ذلك اضغط علي Upgrade

6- انتظر 3 دقائق وبعد ذلك قم بتغير الايبهات الموجوده في كارت الشبكه الي 

بعد ذلك قم بالدخول علي 192.168.100.252 ومبروك عليك رجوع الاكسس بالسلامه وتقدر دلوقتي تبرمجه من جديد

لاتنسونا من صالح دعائكم

والانضمام للموقع

اقرء المزيد

تحذير هام بخصوص أجهزة يوبيكويتي ubnt

بسم الله الرحمن الرحيم

السلام عليكم ورحمة الله وبركاته

تدوينة اليوم هتكون عن حل مشكلة اختفاء دولة كومبيلاين تيست

(complianc test) في اجهزة ubnt 

ابتداء من سوفت 5.5.8 

تحذير هام بخصوص سوفت اجهزة ubnt 

الذي يحمل رقم 5.5.8 و 5.5.10 

وهو عدم وجود دولة كومبيلاين تيست 

اولا لازم تعرف ان دولة كومبيلاين تيست لها اهميه كبيره في برمجة اجهزة يوبيكويتي ubnt

اجهزة الـm5 مثل (النانو ستيشن m5 ونانو بيردج ولوكو ستيشن m5 ونانو بيم)

واهمية وجود دولة كومبيلاين تيست في هذه الاجهزه هو (فتح اكبر عدد من الترددات

بالاضافه لترددات الـ2.4 وطبعا كلنا عارفين ان جودة الاشاره في الارسال والاستقبال

مرتبطه بنوع الموجه اللي شغاله عليها (التردد) يعني الافضل ليك علشان تستقبل وترسل اشاره قويه انك تبقي شغال علي قناه بعيده عن النويز اللي بيبقي سببه كثرة استخدام هذه القنوات والترددات المعروفه في حين انك ممكن تشتغل علي ترددات تانيه مفيش حد بيستخدمها او استخدامها قليل جدا بالنسبه للترددات المعروفه 

وهذه الترددات هيا التي تضيفها دولة كومبيلاين تيست وذلك للعمل بعيدا عن الشوشره ونجد ان هذه الترددات قد اختفت نهائيا مع الاصدار 5.5.8 

ومع تحديث الاصدار 5.5.10 نجد انها مازالت لاتوجد

ولكن في هذه التدوينه سوف نقوم 

بااضافة دولة كومبيلاين تيست(complianc test) الي الاصدار xm 5.5.10 

لحل مشكلة عدم ظهور دولة كومبيلاين تيست

لتحميل برنامج putty

اضغط هنا

الكود المستخدم في الشرح  

touch /etc/ persistent/ ct

save

reboot

حل مشكلة اختفاء دولة كومبلاين تيست

اظهار دولة كومبلاين تيست في النانو ستيشن ام5

اظهار دولة كومبلاين تيست في اللوكو ستيشن ام5

اظهار دولة كومبلاين تيست في النانو بيردج

اظهار دولة كومبلاين تيست في النانو بيم

اقرء المزيد

دامب جميع اجهزة يوبيكويتي ubnt (بيكو ستيشن - بولت - نانو ستيشن) flash dump ubnt

بسم الله الرحمن الرحيم

السلام عليكم ورحمة الله وبركاته

 flash dump ubnt

في البدايه يعني ايه كلمة دامب؟؟؟

المقصود بالدامب هو ملف السوفت كاملا الذي يتم سحبه واستخراجه من الجهاز 

عندما يكون في افضل حالاته ليتم استخدامه وتنزيله لجهاز اخر به خلل في السوفت وير لمعالجة هذا الخلل وارجاعه لحالته الاولي (مثل ضبط المصنع) 

ويحتوي هذا الملف علي كل تعريفات الجهاز (سوفت وير وهاردوير)

مثل تعريف الرام واي سي الفلاش والبرسيسور واخيرا السوفت وير 

(صفحة الاعدادات التي تتعامل معها لبرمجة واعداد الجهاز)

لذلك لابد ان يكون ملف السوفت المستخدم اصلي

ويمكن الحصول عليه من جهاز اخر من نفس الموديل

ونجد هنا صعوبه في الحصول عليه لعدم توافر قطعه اخري من الجهاز

او عدم وجود المهاره الكافيه لعمل ذلك في حين المخاطره بجهاز اخر

لذلك اضع بين ايديكم اليوم دامب اصلي (ملف سوفت كامل) لكلا من:-

جهاز البولت bullet 2hp

جهاز البيكوستيشنpicostation 2hp

جهاز النانوستيشنnano station 2hp

روابط التحميل:-

بولت2hp

flash dump bullet 2hp

بيكو ستيشن2hp

flash dump picostation 2hp

نانوستيشن m5

flash dump nanostation m5

ولأي دامب اخر تحتاجه يمكن كتابة موديل الجهاز في تعليق 

لاتنسونا من صالح دعائكم 

والانضمام لموقعنا

اقرء المزيد

الحل البدليل لحرق باور البولت او البيكو او اي جهاز يوبيكويتي (15 فولت او 24 فولت)

بسم الله الرحمن الرحيم

السلام عليكم ورحمة الله وبركاته

حرق الباور الخاص بالبيكو او البولت او النانو

مشكله كبيره جدا بتقابل كتير من اصحاب الشبكات

بسبب الظروف الجويه المتغيره

او بسبب مشكله في التيار الكهربائي

او لأي سبب من الاسباب التي قدرها الله

ودي بتبقي مشكله كبيره بالنسبه لصاحب الشبكه بالاضافه الي الاعطال المعتاد عليها

وكمان مشكله بالنسبه لسعر الباور الخاص بهذه الاجهزه والمكان الموجود فيه 

ربما تسافر من بلد لاخري لشراءهذه القطعه فقط

 اوالانتظار حتي يأتي لك عن طريق شركات الشحن وتعطيل الشبكه ورغي المشتركين 

المهم دي كانت مشكله وقعت فيها في يوم من الايام

وعلشان شوفت فعلا انها مشكله كبيره

مع ان حلها اسهل مما يكون قولت لازم اعرفكم الحل ده وكمان توفر فلوسك وسفرك

بدل ماتدفع 200 جنيه سعر القطعه ومصاريفها لأ انت هتدفع 15 جنيه فقط 

وممكن كمان يكون الادابتور موجود عندك 

بما انك صاحب شبكه وخصوصا الشبكات الوايرلس يبقي اكيد اي مشترك عندك بيشتري اكسس بيونت

مش ده الموضوع المهم بقي القطعه اللي بتيجي مع الاكسس اللي هيا الكونفرت

dc poe lan 

وده شكلها

اللي كتير من الناس عايز يعرف ايه مهمتها (مهمة القطعه دي انك ممكن تركبها مع الادبتور في اي مكان قريب ليك وتاخد كابل منها للكمبيوتر الخاص بك من فتحة الlan والكابل التاني بتغذي بيه الاكسس خدمة انترنت وكهربا سواء كان في وضع اكسس او كلاينت ودي بتبقي الفتحه المكتوب عليها poe  )

دي مهمة القطعه الاساسيه ودي طريقة التوصيل

الاهم بقي انك ممكن تسخدمها مكان القطعه اللي بتيجي مع اجهزة ubnt

 زي البيكو والبولت والنانو وغيره اللي هيا دي

لو القطعه دي 15 فولت يبقي هتشتري ادابتور 15 فولت ولو بيشتغل علي 24 فولت يبقي هتشتري ادابتور 24 فولت

وكمان ممكن تستخدم اي شاحن لاب توب مكان الادابتور بس المهم لازم تاخد بالك من الفولت والامبير اللي علي الشاحن

اولا لو البيكو او البولت بيشتغل علي باور 15 فولت يبقي تشتري ادابتور 15V/0.8A 

ولو بيشتغل علي 24 يبقي تشتري ادابتور 24V/1A 

ونفس طريقة التوصيل السابقه الخاصه بالاكسس بيونت

اتمني تكون الفكره وصلت 

 وللعلم لاتوجد هناك ادني مشكله في ذلك

لاتنسونا من صالح دعائكم

والانضمام لموقعنا

اقرء المزيد

الاعدادات الاحترافيه والصحيحه لجهاز البولت والبيكو

بسم الله الرحمن الرحيم

السلام عليكم ورحمة الله وبركاته

هنتكلم النهارده عن جهاز البيكو والبولت ازاي تختار الجهاز المناسب ليك

وطريقة الاعدادات الصحيحه للجهاز

 لو عاوز تعرف كل شي عن جهاز البيكو من مواصفات فنيه وعمليه اتفضل من هنا

البيكو ستيشن 2hp

pico -station - 2hp

وده موضوع خاص بالبيكو ستيشن m2hp

pico-station-m-2hp

اما بالنسبه لجهاز البولت اتفضل من هنا

bullet-2-hp

تجد في الروابط السابقه كل ماتريد معرفته عن هذه الاجهزه

ويأتي الان دور الاعدادات بعد اختيار الجهاز المناسب لطبيعة مكانك وشبكتك

وفي هذا الفيديو الاعدادات الاحترافيه والصحيحه لجهاز البيكو والبولت بتردداته المختلفه

برمجة البيكو والبولت بطريقه صحيحه

اقرء المزيد

اعدادات وبرمجة اكسس 741

بسم الله الرحمن الرحيم

السلام عليكم ورحمة الله وبركاته

اعدادات وبرمجة الاكسس 741 وتشغيله علي البرود باند او الهوت سبوت

يتميز اكسس 741 واكسس 740 واكسس 743 بوجود اكثر من فتحة لان

 بالاضافه الي وجود فتحة اللان الاساسيه (الزرقاء)

 في حيث انه في نفس سعر الاكسس بيونت 701

الذي يحتوي علي فتحة لان واحده يستخدمها شخص فقط

من الواضح هنا ان الاكسس 741 به امكانية تشغيل اكتر من مشترك

وذلك لوجود 4 فتحات لان به والذي يميزه اكتر هو وجود فتحة اللان الزرقاء

 وتستخدم في تغذية باقي فتحات اللان بالانترنت بدون قيود من المصدر الرئيسي 

حيث انه يمكنك من توصيل كابل الي الاكسس علي الفتحه الزرقاء

 محدد بسرعه معينه يمكن تقسيمها علي باقي الفتحات برينج ايبهات جديده

 كما يمكنك تشغيل الواي فاي داخل الاكسس بااسم شبكه خاص بك

ويمكن الاستفاده بكل هذا في وقت ان مشترك ما

يريد سرعه محدده يتصرف فيها كيفما يشاء 

نجد هنا ان افضل حل لهذا المشترك هو ان يشتري اكسس بيونت741

حيث يمكن تحديد سرعه له لايمكن تجاوزها ولكن يمكنه ان يعيد تقسيم هذه السرعه علي عدد الاجهزه الموجوده لديه بدون قيود

مثل صفحة الهوت سبوت او رموز التشفير او غيرها من الانظمه

التي تعمل بها في شبكتك

ولا قلق من هذا فكما ذكرت سابقا انه لايمكن تجاوز السرعه المحدده له

وهذه هي الاعدادات الخاصه بالاكسس بيونت 741 

لمن يريد تشغيل اكثر من جهاز او عميل علي سرعه واحده وتجاوز صفحة الهوت سبوت .. 
برمجة واعدادت اكسس741

· Wireless speed up to 150Mbps

· WDS wireless bridge provides seamless bridging to expand your wireless network

· Wireless security encryption easily at a push of WPS button

· Priority of service assures the quality of bandwidth sensitive applications such as voice and video

· Supports SPI firewall and access control management

· Supports WPA/WPA2 encryptions

· Seamlessly compatible with 802.11b/g/n devices

اقرء المزيد

تحويل روتر هواوى 532 الى اكسيس بوينت او سويتش

بسم الله الرحمن الرحيم

السلام عليكم ورحمة الله وبركاته

تحويل روتر هواوي 532 الي اكسس بيونت او سوتش 

في الفتره الاخيره اصبح روتر تي داتا اكثر تعقيدا

وخصوصا في تشغيل الروتر اكسس بيونت او سويتش

اكيد كتير مننا بيستخدم الروتر جوا البيت كأكسس بيونت

وربما قد واجهتك تلك المشكله عند محاولة تشغيل هذا الروتر اكسس بيونت

لذلك اردت ان اتشارك معكم هذا الشرح  

طريقة تشغيل وتحويل روتر تي داتا الي اكسس بونت 

وكذلك مرفق  سوفت مع الشرح لفك تشفير روتر هواوي

 ليعمل علي اي شركه اخري

مثل لينك او اتصالات او فودافون والتخلص من اي قود موجوده علي هذا الروتر

يوجد بالفيديو طريقة تشغيل روتر هواوي  اكسس بيونت

 ورفع سوفت لكسر نظام التشفير

ليعمل علي اي شركه اخري

ملحوظه هامه (لو عايز تغير اي بي الروتر بتكلم عموما علي اي موديل

 والروتر مش قابل التغيير استخدم متصفح انترنت اكسبلورر)

لاتنسوا الانضمام لموقعنا

ودعوه بظهر الغيب

جزانا لله واياكم كل خير

اقرء المزيد

طريقة عمل ريسيت لسوفت Gargoyle

بسم الله الرحمن الرحيم

السلام عليكم ورحمة الله وبركاته

تدوينة اليوم عن سوفت (Gargoyle) جارجويل 

مفاجأه لكل الناس الل نزلت السوفت ده عن طريق الخطأ او عن طريق التجربه

 بيانات الدخول علي الاكسس بعد تنزيل السوفت مباشرةً

الباسورد هو password

في حالة عدم القدره علي الدخول لاعدادات الاكسس 

او خطأ في الباسورد نتيجة تغييره او بدون سبب

تلجأ الي عمل ريسيت وهنا المفاجأه الثانيه

وهو عندما تضغط علي زر الريسيت في الاكسس

لا حياة لمن تنادي

الاكسس لايقبل عمل ريسيت بااي طريقه !!!

لاتستطيع الدخول علي صفحة الاعدادات 

طيب ايه الحل ؟؟؟

الحل بسيط بااذن الله بس بطريقه مختلفه شويه عن اللي بنستخدمها

1- هتفصل الكهرباء عن الاكسس

2- هتكتب الايبهات دي في كارت الشبكه 

3- وصل الكهرباء للاكسس وبمجرد عمل لمبة السيستم

اضغط عل زر الريست الي ان تعمل لمبة السيستم بطريقه قويه

 4 - هتفتح قائمة run وتكتب فيها الامر ده 

( telnet 192.168.1.1 )

بعد كتابة الامر اضغط ok

5- بعد عمل اتصال بالاكسس هتكتب الامر ده

 ( mtd -r erase rootfs_data )

بعد تنفيذ هذه الاومر يقوم الاكسس بعمل ريبوت ويعود لك من جديد

يمكنك الان ضبط اعدادات الاكسس من جديد 

التدوينه القادمه 

( طريقة تشغيل ال dhcp علي سوفت Gargoyle )

(طريقة الرجوع من سوفت Gargoyle الي السوفت الاصلي)

لاي استفسار اخر يمكنك تركه في تعليق

لاتنسونا من صالح دعائكم

اقرء المزيد

حل جميع مشاكل الاكسس بيونت(سوفت وير - هارد وير) سحب وتنزيل دامب - تحديث - تنزيل سوفت مطور او الرجوع منه

بسم الله الرحمن الرحيم

السلام عليكم ورحمة الله وبركاته

موضوع النهارده مفتوح المصدر لاي سؤال او طلب بخصوص 

مشاكل الاكسس بيونت سواء صيانه او تنزيل سوفت

 (سحب فلاشه او فردها )

او تحديث السوفت للاكسس او رجوع الي سوفت اخر اصدار قديم

كمان لو محتاج تنزل السوفت المطور او ترجع للسوفت الاصلي 

لو محتاج دامب لايسي الفلاش (ده ملف السوفت الكلي الخاص بالاكسس بيونت)

كل ده حبيت اجمعه في موضوع واحد

وطبعا الموضوع متوقف عليكم انتم

 مدي اهميته او مدي مايجمعه الموضوع من افكار وحلول

ده يرجع لطلبكم واستفسارتكم

دي صوره لاكسس بيونت 701  من الداخل

والقطعه اللي متعلم عليها ده اي سي الفلاش

ودي صوره لاكسس 740

متواجد الان للاجابه علي كل ماتريده بخصوص هذا الموضوع

ضع طلبك في تعليق وسوف اقوم بالرد عليه

 وارسال اي ملفات تحتاجها بفضل الله واذنه

واخيرا لاتنسونا من صالح دعائكم

اقرء المزيد