موضوع النهارده في غاية الاهميه
موضوع النهارده عن حل جميع مشاكل الروتر بورد
سواء موديل 450جي او 750 جي ال او اي موديل اخر
بااختصار هنتكلم النهارده عن تنزيل السوفت وير للروتر بورد
هتقول يعني ايه ؟؟؟
هقولك يعني تلاقي السيرفر بتاعك لاقدر الله قاطع ميا ونور شغال باور فقط
طيب تيجي تدخل من خلال الوين بوكس مفيش
تعمل سيرش مفيش
توصل الكابل برده مفيش
طيب الحل؟؟؟
1/ حل مشكله الروتر بورد 750جي ال وتنزيل السوفت الخاص به
ده رابط البرنامج المستخدم في الشرح وكمان النسخه اللي هتستخدمها
 |
| صوره توضيحيه لطريقة التجميل |
ـــــــــــــــــــــــــــــــــــــــــــــ
نتيجي لرقم 2 وهو الروتر بورد العملاق 450 جي
طبعا الطريقه المره دي هنضيف ليها كتير علشان تدخل علي الروتر بورد 450 جي
1/ لازم يكون عندك كابل 232 RS ودي صوره للكابل وسعره في حدود 10 جنيه
2/هتحمل برنامج putty
وده الرابط بتاعه
3/ بعد تحميل البرنامج هتفتحه وتظبط اعداداته زي الصوره دي بالظبط
4/هتوصل الكابل (RS232) بين الكمبيوتر الخاص بك والروتر بورد 450 جي
زي الصوره دي بالظبط
واعتبرو ان الريسيفر ده هو الروتر بورد
5/هتدوس علي كلمة open في برنامج ال putty الصوره السابقه
6/هتوصل كهربا للروتر بورد
7/تدوس علي اي زر في لوحدة المفاتيح
(ملحوظه) ((( معاك حوالي 2 ثانيه ده الوقت الاقصي علشان الروتر بورد ياخد من الامر يعني تنجز يامنجز )))
8/هتظهر معاك صوره شبيه بالصوره التاليه
هتضغط علي حرف ( O ) بعدها هتضغط علي حرف ( E ) وده علشان الروتر بورد يبووت عن طريق كابل الشبكه
9/نوصل الروتر بورد بالكمبيوتر بكابل الشبكه (كابل نت ) ونضع ابيهات لكارت الشبكه الخاص بجهاز الكمبيوتر مثال 192.168.1.100
وهنا ييجي دور برنامج NETINSTALL
10/هنفتح برنامج netinstall ونكتب ايبهات داخل البرنامج مثال 192.168.1.101
((نفس الخطوه اللي في الفيديو الخاص بالروتر 750 جي ال))
11/نرجع تاني لبرنامج putty ونضغط علي حرف ( X ) في لوحة المفاتيح لكي يتم عمل ريستارت للروتر بورد وظهوره داخل برنامج netinstall ونطبق الخطوات الموجوده في الفيديو أعلي الصفحه
12/بالنسبه لنسخة الميكروتك المستخدمه هي نفس النسخه الموجوده بالاعلي لخاصه بالروتر 750gl
13/بعد تنزيل الباكت الخاصه بالنسخه للروتر بورد يتم عمل ريبوت تلقائي للروتر بورد 450 جي عن طريق الضغط علي انتر
بمجرد ان يقوم الروتر بورد بعمل ريستارت تضغط علي اي زر في لوحة المفاتيح
14/نرجع اخيرا الي برنامج putty
نقوم بالضغط علي حرف ( O ) ثم ( O ) ثم بعد ذلك حرف ( X )لكي يتم الخروج من البيوس الخاص بالروتر بورد والتشغيل عن طريق كابل الشبكه
15/ شيل وصلة ال RS232
مبروك عليك الروتر بورد
الله ينور عليك ومشكور علا المواضيع المهمه دي
ردحذفممكن حل لمشكلة روتر بورد 750gl
ردحذف